Peysuhugleiðingar

Í morgun gerði kuldinn heldur betur vart við sig. Það voru ekki  nema 2°C hiti úti og það hafði greinilega verið frost síðustu nótt þar sem að ég þurfti að skafa aðeins af bílnum. Ég er því búin að vera í miklum peysuhugleiðingum í dag og mitt næsta verkefni í búðunum verður að finna mér djúsí peysu...eða tvær!

brynja-g

Þessa dagana.

Ég er yfir mig ástfangin af stígvélunum sem ég fékk frá Billa í jólagjöf. Mig er búið að langa í Billi Bi stígvél í mörg ár og loksins varð draumurinn að veruleika. 

Hann valdi ótrúlega falleg og klassísk stígvél með hjálp bestu vinkonu minnar, Elísabetar. Þau eru góð saman þegar kemur að því að velja eitthvað fyrir mig, reyndar eru þau alltaf góð saman. Nóg um það! Hann keypti þau í GS skóm í Kringlunni og ég gæti ekki verið ánægðari með þau. Nú hlakka ég bara til þegar snjórinn fer að minnka hérna hjá okkur svo að ég geti farið að nota þau. Ég tími þeim ekki út í snjóinn, þau eru of falleg. Svört leðurstígvél með spennu á ökklanum og efst á kálfanum.

Þau sjást kannski ekki mjög vel á þessari mynd, en nóg samt.

Annars á ég nú ekki von á að snjórinn fari að hverfa, í augnablikinu er hitastigið í kringum -15 gráðurnar. Það er ótrúlega gaman að fá að upplifa alvöru árstíðir. Ekki bara haust/vor allan ársins hring eins og á Íslandinu góða. Hérna er veturinn annað og meira en bara slabb og sumarið oft eins og Mallorca veður. 

Þessa dagana á námið mitt hug minn allan. Ég er í svo ótrúlega skemmtilegum áföngum þessa önnina. Uppáhalds áfanginn minn hingað til er Þroskasálfræði, bæði barna og fullorðinna. Þar sem að ég hef unnið mikið á hjúkrunarheimilum finnst mér mjög áhugavert að læra um þroska fullorðinna og þegar við færumst á okkar eldri ár. Það er merkilegt að skilja hvernig okkur hrörnar og hvað hægt er að gera til þess að hægja á því ferli að einhverju leyti.

Í gær var ég hins vegar að hlusta á fyrirlestur um málþroska barna og það var mjög áhugavert. Kennarinn fór aðeins inn á tvítyngi barna og það fannst mér sérstaklega áhugavert þar sem að ég er að fylgjast með mínum börnum í þeim sporum. 

Kannski maður leggi bara barna-og þroskasálfræði fyrir sig, hver veit!

Læt eina mynd fylgja með af tvíbökunum mínum. Hún var tekin áður en þau fóru í afmæli sl. sunnudag. Ég elska þau endalaust.

xxx

brynja-g

Sunnudagskósý

Ég átti ekki til orð þegar ég leit út um gluggan í gærmorgun. 

Þetta blasti við mér.

Ég sem hélt að það ætti að vera komið vor í Stokkhólmi!

Það hlýtur þó að vera á næsta leyti og ég mun bjóða það hjartanlega velkomið þegar það loksins lætur sjá sig.

Föstudagskvöldið var mjög vel heppnað. Ég var reyndar eitthvað óheppin með Sushi þetta kvöldið. Það var allavega greinilega ekki alveg ferskt. Það er svo hrikalega slæmt að lenda á vondu Sushi, það verður til þess að maður hefur lítinn sem engan áhuga á að fá sér Sushi aftur. En það kemur.

Ég var víst búin að lofa mynd af dressinu. Ég hins vegar steingleymdi að taka mynd á sjálfu kvöldinu en skellti mér aftur í dressið í gærkvöldi og tók eina mynd svo ég gæti staðið við stóru orðin.

Á föstudagskvöldið var mjög vont veður og fannst mér ekki alveg við hæfi að fara í svona svakalega sumarlegu outfitti svo að ég valdi svarta skyrtu í staðinn fyrir ljósa toppinn.

Mér fannst þetta bara koma vel út!

Í dag er ennþá snjór yfir hólminum en við ætlum nú að drífa okkur út og gera eitthvað skemmtilegt með börnunum. Það er svo margt sniðugt hægt að gera með krökkum hérna svo að við höfum alltaf einhverjar hugmyndir. 

Kósý sunnudagar eru með þeim bestu!

Ég vona að þið eigið yndislegan dag.

xxx

brynja-g

Mynta mynta mynta

Ég er eins og svo margar aðrar, veik fyrir myntugrænu þessa dagana. Þar sem að við hjónaleysin erum nú að kíkja út á lífið í kvöld ákvað ég að nýta tækifærið og splæsa í nýtt dress...ekki leiðinlegt það!

Gina Tricot varð fyrir valinu að þessu sinni og ég keypti mér þessar ó svo fallegu buxur.

og svo keypti ég mér ótrúlega fallegan ljósan, eiginlega hvítan, bol við.

Ég er mjög spennt að prufukeyra dressið. 

Til þess að ganga skrefinu lengra keypti ég líka myntugrænt naglalakk frá L'oreal.

Það er magnað hvað svona litlir hlutir eins og naglalakk getur gert mikið fyrir heildarútlitið!

Ég verð allavega aldeilis myntugræn þetta kvöldið. Restina á ég nú eftir að velja en það er líka allt í lagi að skilja eitthvað eftir fyrir seinnipartinn.

Aldrei að vita nema ég skelli inn mynd af dressinu seinna.

xxx

brynja-g

It's been a long time

Það er allt of langt síðan ég skrifaði síðast. Það hefur margt skemmtilegt drifið á daga okkar hér í hólminum síðustu vikur. Við höfum fengið skemmtilegar heimsóknir, farið í heimsóknir og margt fleira. Við erum orðin nokkuð sjóuð í borginni og okkur líður svo sannarlega vel hérna. Þessir fyrstu mánuðir eru alltaf erfiðastir fyrir alla og finnum við mikinn mun á lífinu eins og það var fyrir mánuði og eins og það er núna. Þetta er allt upp á við.

Tvíburarnir voru að fá tilboð um að byrja í leikskóla í lok apríl. Mamman var ekkert smá glöð með þessar fregnir. Þau eru orðin svo stór og þurfa svo innilega á því að halda að fara að leika við aðra krakka og vera meira úti og svona. Þeim á örugglega eftir að líka vel við leikskólalífið!

Ég sótti svo sjálf um í háskólanám í vikunni. Það er mjög erfitt að komast inn í nám hér í Stokkhólmi svo að ég hafði bara nokkur fög á lista í von um að komast inn í eitthvað!

Vorið lætur eitthvað bíða eftir sér þessa dagana. Það var komið fínt veður fyrir ca. 3 vikum en svo kom páskahret og eftir það hefur bara verið skýjað og ekkert sérstakt veður. Við bíðum spennt eftir vorinu hér á bæ. Það verður gaman að upplifa sumar í hólminum.

Við ætlum að kíkja út á lífið annað kvöld með vinum okkar. Aldrei að vita nema maður splæsi í ný föt í því tilefni.

Ég er allavega veik í þessar hér úr H&M...

Eigið góðan dag.

xxx

brynja-g

Pakka pakka

Í dag er dagur tvö í pakkningum. Ég er búin að losa mig við alveg helling af fötum og dóti sem fer beinustu leið í Kolaportið. Við Billi verðum þar að selja af okkur spjarirnar og fleira sunnudaginn 8.janúar. Endilega kíkið á okkur.

Ég er orðin svo vön að pakka að mér finnst það eiginlega bara orðið gaman...

...dæmi hver fyrir sig hvort það sé jákvætt eða neikvætt!

Við ætlum að fara á jólaball hjá Oddfellow reglunni í Hafnarfirði í dag. Ég hlakka mikið til að dansa með börnunum og hitta jólasveininn, það verður gaman.

Svo nálgast áramótin hratt og mikið spáð í hvað skuli gera og í hverju vera. Það kemur nú allt í ljós bara með tímanum held ég. Forgangurinn er allavega að pakka.

Ég sá frétt um "best celeb haircut" þar sem að sigurvegari ársins er Emma Watson. Þetta er annað árið í röð sem að Watson fær titilinn. Þetta hefur vakið mikla athygli því að Jennifer Aniston hefur löngum þótt vera fyrirmynd hvað varðar náttúrulegt og flott hár og eru margir hissa á að Aniston hafi "glatað" sætinu tvö ár í röð.

Verandi mikill Aniston aðdáandi myndi ég velja hana fram yfir Watson, hiklaust!

En misjafn er smekkur manna, sem betur fer.

Aftur í pakkningar.

xxx

brynja-g

XoXo

Ég elska elska elska Gossip Girl og á mjög erfitt með að sætta mig við að þátturinn sé kominn í frí fram í janúar. Á svona kvöldum, eftir próf, þegar maður er í smá lestrarpásu fram að næsta prófi væri ég alveg til í að henda mér upp í sófa og horfa á GG. Það verður víst að bíða fram í janúar. Ætli ég horfi ekki bara næst í Stokkhólmi! Spennó!

Það er nú ekkert leyndarmál að fataskápur stelpnanna er oftar en ekki "to die for". 

Ég ákvað að setja nokkrar myndir af fatnaði sem að ég væri alveg til í að eiga.

Mér finnst bolurinn sem Charlie er í alveg geggjaður!

Gorgeous!

Nokkrum númerum of flott!

Pæja! Væri alveg til í mussuna og stuttbuxurnar...og skóna...kannski bara allt!

Baksviðs. Væri ekki leiðinlegt að geta valið sér föt þaðan á hverjum morgni, eða hvað? Ætli maður fengi ekki bara valkvíða!

xxx

brynja-g